www.honalahwaz.com
الرئيسية / شعر و أدب / سوالف ليل/بقلم: شهاب البلاوي
سوالف ليل/بقلم: شهاب البلاوي

سوالف ليل/بقلم: شهاب البلاوي

های الدنیه موگدنه وهـای النـاس فـردتنه..

یردوون ابحقدهُم کون
تهفت نار مـوگدنه..
ویبرد صوت ضحکتنه..
وانه وانتی های اسنیّـــن،
متحزمیّـــن
نبنیهه ابصدگـنه اطواف عشرتنه..
های الدنیه موگدنه.
وهـای النـاس فـردتنه..
املنــه اچبیّــر
وهمـا اعگولهم زغــرا..
کافرنحسب انه اویاچ
کلمــن ناکر العشره..
وهما امخلصین الیل
الف چذبــه ابـفرد فقـره..
صـح فقـرا یجوز انـعیش
بس اعـگولنه امخضـرا..
وهمااعگولهم تشبه ورق شجره
وامحجرا.
اذبلّت گبل الخریف او صَبَّحت صفـرا..
های الدنیه موگدنه.
وهـای النـاس فـردتنه..
واحنـه انریدنشتل وردة الـنَرجـس..
اعلـی شان اتمکیّـج الدنیـه
والـومـره
ابعـمرنه انشوفـها اتـعرس..
وانحـط افراشنـه اعلی الغـیم
غـاد انسولـف ونجلـس..
الندلیهـه اعـلی درب الخـیر
عجبه اتـعوفنه اتـغلّس!!!
وشَعِــرّ بلسـانه امـخضر
وهـی الـوادم بعدهی امن الجهل تترس..
های الدنیه موگدنه.
وهـای النـاس فـردتنه..
تعـای انـروح یـم الله
وسئلیه اشکثر لجلی
تشطّف واندعه او صلا..
تجـی ابالی سـوالف کــووود
بس استغّفــر امـن الله..
الامل بالله
تعـای انعـوف های الناس
تعای امن الحسد بالله
نعوذ،وچلمت الخنـاس..
الـتوسوّس ابـصدر الناس..
تعـای انعوف های الناس
التـدگ دمـام للـعباس
بــس مـاتعـرف العبـاس..
های الدنیه موگدنه.
وهـای النـاس فـردتنه..
لئـن شـافـوها تسـوا اعمـارهم
کـل کـترعشـرتنه..
و وعــدمنی
الیــردون ابـحقـدهـم کـون
تهـفت نـارمـوگـدنـه..
و یبرد صوت ضحکتنه..
لـخلیهـه تـدووس اظـنونهـم کلهــم
هلاهــل یـوم زفتنــه..
هـــــــای الــدنیه مـــوگــدنه.
هـــــــای الــدنیه مـــوگــدنه.

 

جميع الحقوق لدى موقع هنا الأهواز محفوظة

لايجوز نسخ ونشر النصوص بدون ذكر المصدر

Print Friendly, PDF & Email

عن هُنَا الأَهوَاز

اضف رد

لن يتم نشر البريد الإلكتروني . الحقول المطلوبة مشار لها بـ *

*

*