دم برعم/ بقلم: مريم محمود

گصیبه امطرزه ابدم نایمه ابظلمه

زفیر اصوات حتی ایفزز الموته او شوارب ناگعات ابدم

ابرصیف الدیره ممطولات الحدیثات و ابلاروس

شی مذبوحه غسلت عار

شی خاطر تطفی اببین هاذ او ذاک دویة نار

بنات ایشابهن برعم یحن لاول ربیع الله

وطنهن چان بلبستان بس ابلیس فوگ ارگابهن صلاّ

یحشمّنه نده و عل گاع انه ابشاربک یاطیف المروه

علی الاهات واللوعات کاشخ شارب الخوه

وگاعد یلضم الصرخات بلوه انشگت بکترا

جمر عالجرح ینبت گام و یخدر حچیه بل نهوا

وعلی گبرچ وکت ینکت سوالف بختچ السمره

او یم باب الشماته الگاچ نخوه بصوت تتلوه

یحن الطین لثيابچ تهوی الطولچ الشکوا

وهذاک البردي هل صوفر بعد بجفاچ مایسوا

یدگ هاون نحیبي بشوگ لعیونچ حزن غنوه

عساها امعسره چیلاته او عساها اچفوفه متکسرا

یل امحسب غسلت العار ربک منک اتبرا

الشرف بیدک تلفته انته  و تحط عارک علی النسوه

یگلولي ثجیل افلان بي من الزلم شمرا

ویحط اثیابه بلچانون للکلفات مایتلوذ بحفره

او علی گلب التحبه ایصیر یملک عفّه مختصره

العشگ موعیب خل تعشگ حلال النثیه من اتحب یحبهه الله

او من حس بیهه حبت شاب رکض سمه العشگ بالعار و اتگوا

علی خیته انگلب طاغوت منشار او شبگ شجره

فرش روحه ابنزاهه او شب اخیته ابنار

یاعار الجهل یل ماکو مثلک عار

 

Print Friendly, PDF & Email
0 0 vote
Article Rating
Subscribe
نبّهني عن
guest
0 تعليقات
Inline Feedbacks
View all comments
× تواصل معنا عبر تطبيق واتساب