فانوس الشر/ بقلم: مريم محمود

ینبوع اتورط بدلاله
امعزم دولاب التنهیده
گاطع حجل اکحیله ابحَبله
عطشان الرافض تمجیده
صابو فرسان الیاقوته
خنست بالکحله التغریده
للضحکه التمت چم شفه
الموطن فارش درع العیده
حازن دیوانه و متبهذل
مرکونه البدعه التمریده
العَطَّر خاچیته بدم جهله
الطارش والموگد میریده
علّگ بلّحیه اچم رگبه
چم محبس دبّر تهدیده
فاصل چم بیرق للزله
صینیته اتمصلح لعبیده
چم تربه انداست بجبینه
ومنحوت البوگ ابچف ایده
امحّزِم خصر الدله الصیته
چَتّف فنیانه التمهیده
صحرا و فانوس الشر داوي
و ايهوجس معلاگ الصیده
شاب امخیم گلبا ابشیمه
رطبات امعزبه، متفیده
لو ماتتسرسح مصفاته
الواهس للمنجل شیعیده؟
لو لاذت بالذل چیلاته
سیف الدبچه یاهو یریده
اهلال ولابس ثوب الغیمه
ایلالی و حزن النجمه ایزیده
امچنِف حیله ابروح الروفه
یروي الضامي ماهی اجدیده
شارب متغمس بلغیره
وکحه الدنیه وتِغدر سیده

Print Friendly, PDF & Email
0 0 votes
Article Rating
Subscribe
نبّهني عن
guest
0 تعليقات
Inline Feedbacks
View all comments
0
Would love your thoughts, please comment.x
()
x
× تواصل معنا عبر تطبيق واتساب