هُنا الأهواز ثقافي، أدبي، أجتماعي
” عود لي “
بقلم الشاعر: سید مصطفی الهاشمی
عود لي ..
و رَجِّع صباي…
والله ملّ الجار من بَحّة الناي
عود لي…
و هلبت يعود اوياك واهس كل سنيني
هلبت اتخفف انيني..
بالسقم تترکني سايح…!؟
گول عني وين رايح..!؟
عود, خل اگعد حَدر ظلّ الزلوف
و بلچن الله يِصحَن اعيونى و اشوف
عود….خل ابچيک فرحة
انا يلي قدّمت لجلک حياتي بحكم قرعة
خاوي شامر حيلي كله ابّين ايدية و شایل العشرة ابدعاء..
يا الهي انت الگلت ادعوني و آنه الأستجیب..
يا سميع…
يا مجيب..
اخذ مني ماتَبَقّى، و فقط رجّعلي الحبيب
يا حلو ابطرواك تِخجل وردة اخدود الجمال
و يلّي يمك چنت فايح بالدلال
و هسه بعدک يومي اسود
ابلايه ثايه و لا ترافة ، بالزوال!!
عود، وك الحگ تعااااااااال
ملّن اچفوفى من امشاگف ادموعي..
و ذَوبِلَت وردة شبابي ويه نوحي…
و مالي حيله ..
ماني رايد تبقى تِخلَص يمي للتالي و تبات!!!
بس تعال الليلة يَمّي ابحضني بات
و الصبح خَبِّرلي اهلي و گول ابنکم کالشهيد ، بحبه مات!!!
