www.honalahwaz.com
الرئيسية / القسم الأدبي / قصیدة ” الغدر “/ بقلم :شهاب ابومیثم البلاوي
قصیدة ” الغدر “/ بقلم :شهاب ابومیثم البلاوي

قصیدة ” الغدر “/ بقلم :شهاب ابومیثم البلاوي

ابو میثم البلاوی

قصیدة ” الغدر ”

بقلم :شهاب ابومیثم البلاوي

غدر بعض الرفاگه چن رسم مطبوع
اعله صبورت اچتافی ابکل شبرچبحه

اگص چف العسم عن لایمینی ایعود
وی امّن ابسرعه و ینکر الملحه

البعت روحی ابرخص لجله ابزمان العوز
تفگ حچیه علیه ابکل قسه امسلحه

وخلانی شبح وعلیه ظل یغتاب
واچلم الشماته لاحن ابشبحه

باعانی ابرخص وانه اشتریته ابروح
ماردت انعم الله ولا ردت مدحه

دللته عمر ورویته مای العین
کبرته وعلیه ایدور الولحه

عاش اویای عمره کل وکت چذاب
یشرحلی ابچذب وانه اقبل ابشرحه

ذنبی اعترف هذا،
الربه عنده اذیاب
من تکبر اکید انیابهه اتجرحه.

اخ اشگد چنت احسب علیه احساب
ودایم چنت اعده اباول السبحه

وچنت اول نفر لوحشمانی ابظیج
ادش بحر المنيه الیتعب ابسبحه

واخرنفس اوصل،
خویه عد عیناک
و عاشرته ابصدگ مادورت ربحه

تعاتبنه ودرت مگفای عنه ابزود
عفته وماردت ابدا” بعد صلحه

درت وجهی علیه،
وبیده چن سچین
ناوی ابغدر ظهری یوصل ایبلحه

انهدم صور الموده وظهری دگ للگاع
یوم الشفت عینه صبّحت وکحه

خفت باچرعلینه تضحک الشمات
ذبح خل ابقدر ونکر اکل ملحه

افتحت باب الگلب وفرشت للسچین
مده امن الکرم وابلونهه الملحه

ابصدری..
ولاتصیراطگه من مگفای..
اخلی الزود عده و یکبر ابلفحه

اموتن فدوا،
بس همنی الاسم مهیوب..
خوان او تناحو مو غدر ذبحه

✍ شهـابــ ابومیثــمـ البلاويــــ

Print Friendly, PDF & Email

عن هُنَا الأَهوَاز

اضف رد

لن يتم نشر البريد الإلكتروني . الحقول المطلوبة مشار لها بـ *

*

*